Bi hilabete besterik ez dira falta Eusko Label Ligari hasiera emateko. Beste urteetan egin bezala, klub bateko entrenatzailearen elkarrizketa argitaratuko du aurten ere Eusko Label Ligak bere webgunean.
Orio Babyautoko Jon Salsamendiri egin diote lehen elkarrizketa, eta CaixaBank Koroa lortzeko lehian egoteko asmoa dutela argitu du. Haren hitzetan, Oriok historian zehar momentu askotan argi utzi du onena dela; baina inoiz ez du ligarik irabazi.
San Nikolasen aurkari nagusiak Bermeo eta Hondarribia izango direla uste du Salsamendik. Hala ere, Zierbena azken aldian hazten datorrela irizten du entrenatzaileak, eta Cabo de Cruz talde galiziarra ere lehiaketaren lehen postuetan egoten saiatuko dela iruditzen zaio. Egiten ari diren lanaren sentsazioak "oso onak" direla dio, baina aurten emaitzak lortzeko zailtasun handiagoak izango dituztela aitortu du.
Elkarrizketaren bideoa gazteleraz igo dute Eusko Label Ligaren webgune ofizialean. Ikusteko, klikatu hemen.