Zaragueta eskolan ikasturte bukaerako festa egin zuten larunbatean

Jende ugari bildu zen aurtengo kurtsoaren bukaera ospatzeko antolatu zuten Eskola egunean.

Joan den larunbatean, Ekainak 16, Orioko Zaragueta Herri Eskolan ikasturte bukaerako festa ospatu zuten ikasle, irakasle, guraso eta eskolako komunitatea osatzen duten lagun orok.

Goizean ikasleak oholtzara igo ziren, eta gurasoek kantu eta dantza ugariz gozatzeko aukera izan zuten. Giro ederra sortu zen eskolako frontoi estalian. Gero, herri bazkarian mahai bueltan juntatu ziren denak, bapo bazkaltzeko. Arratsaldean, eguna borobiltzeko, ikasleek puzgarriez eta jolasez gozatzeko aukera izaten zuten.

 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!

Izan zaitez KARKARAko laguntzaile!