karkara.eus

Lukene Lizaso: "Banderen lehian egonda, ikuskizunaren parte izan nahi dugu"

  kirola  Orio

Orioko emakumezkoen txalupak bigarren postua lortu zuen atzo, Mutrikun jokatu zen Gipuzkoako traineru txapelketan. Estropada ederra egin ostean, San Juan 1,6 segundoko aldearekin gailendu zitzaien. Atzokoaz lau hitz egin ditugu Lukene Lizaso estropalariarekin.

Ze itsasorekin jokatu zenuten atzoko estropada?

Estropadan beroketan baino itsaso hobea izan genuen; hala ere, mugitu xamarra tokatu zen atzokoan.

Ozta-ozta gailendu zitzaizuen San Juan. Iazko denboraldiarekin alderatuz, azkarrago zabiltzate aurten.

Bai, hobekuntza nabaritu dugu. Arraunketa estilo jakin bat barneratzeko lanean aritu gara, eta hori bere fruituak ematen ari da.

San Juani hortzak erakusteko gaitasuna duzuela erakutsi duzue denboraldi hasieratik.

Beraiei irabazteko gogoa daukagu. Gauzak ondo egiten ari gara, eta oraindik badugu hobetzkeo tartea. Lehen aipatu bezala, arraunketa da giltza. Ondo arraun eginez lortuko dugu daukagun potentziala erakustea.

(...)

Aurtengo denboraldia motzagoa egingo zaigula iruditzen zait, baina oraindik iraila urruti dago. Gauzak ondo doazenean, azkarrago pasatzen da denbora. Banderen lehian egonda, ikuskizunaren parte izan nahi dugu. Bigarren postuari eutsi nahi diogu, eta estropadetan San Juanengandik gertuago ibili. Ea hobetzeko dugun tarte horri zukua atera eta banderaren bat ekartzea lortzen dugun.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa