Orion bizi den Rosi Lazkano bertsolaria ere bazkaritan izan zen, eta honako bertsoak kantatu zituen:
Mahaiaren inguruan
Juntatu geranez
Bapo jarriak gaude
Jan eta edanez
Bazkal-ondoak ere
Mamia daukanez
Kantatu dezakegu
Gaur geure omenez
Neska-festan kontua
Aspalditik dator
Ze zerrenda luzea
Zenbat andre jator
Joandakoeri igual
Zerbait diegu zor
San Pedro jaian bueltan
Hau mantentzea hor
Bazkariarena da
Bigarren aroa
Hemeretzigarrena
Degu aurtengoa
Neskatik andrera eta
Amontzera doa
Hala ere ederra
Zortzen dan giroa
Hogei emakumetik
Gora gehienetan
Juntatzeko gogoa
Degunak benetan
Nahiz odol desberdina
Eraman zainetan
Haize bera arnastu
Genuen umetan
Andrazkoak bakarrik
Juntatze gera ¡ hai ¡
Honetarako ere
Elkanotarrak gai
Auzotar izatea
Ez degu galdu nahi
Gustatze zaigunari
Esan diogu bai
Umore onekoak
Ixildu ezinak
Lotsaz gorritzearen
Joak aldeginak
Batzuen nahiak eta
Bestenak berdinak
Honela harremanak
Dira atseginak
Karrera ere degu
Denok berdintsua
Eginaz ikasi dun
Jende jakintsua
Familian, etxean
Jartzea zentzua
Aipatzen ez den arren
Ze garrantzitsua
Bertsoak idaztea
Da nere papela
Egia kontatzea
Ohi bezela
Baina jakin eredu
Zuek zeratela
Eskerrik asko eta
Bejondeizuela