"Domingero eguna" antolatu du Orioko Surf Taldeak, larunbaterako

"Domingero eguna" antolatu du Orioko Surf Taldeak, larunbaterako

Goizeko hamarretatik aurrera, surf txapelketak egingo dituzte Antilla hondartzan, eta eguerdian bazkaltzeko juntatuko dira partaide denak.

Orioko Surf Taldeak antolatuta, Domingero eguna egingo da Orioko Antilla hondartzan larunbatean.

Goizeko hamarretatik aurrera surf txapelketak egingo dituzte hondartzan, hiru taldetan sailkatuta: longboard, emakumezkoak eta Sub16. Antolatzaileek adierazi dutenez, longboard estiloko taularik ez duenari han lagako zaio bat, txapelketan parte hartu ahal izateko.

Eguerdian, bazkaltzeko juntatuko dira partaide denak. Bakoitzak bere janaria eraman beharko du etxetik, eta edaria han banatuko da.

Antolatzaileek mozorrotzeko eskaera egin diete txapelketan eta bazkarian parte hartuko duten guztiei. Beren hitzetan, larunbatean hondartzan jai giroa pizteko xedearekin antolatu dute ekimena.

Izen ematea Orioko Surf Taldearen lokalean egin behar da osteguna (Abuztuak 9) baino lehen.

 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!