Zaharren Babeslekuak irteera antolatu du Iruñera, azaroaren 21erako

Zaharren Babeslekuak irteera antolatu du Iruñera, azaroaren 21erako
Iruñea bisitatuko dute Orioko Zaharren Babesle kideek.

Azaroaren 12an jarriko dituzte txartelak salgai 17:00etatik 18:00etara, eta irteeraren prezioa 35 eurokoa izango da.

Zaharren Babeslekuko kideek azaroaren 21ean Iruñera joateko asmoa dute, irteera antolatu baitute Nafarroako hiriburura. 09:00etan irtengo dira Oriotik eta 11:00etan helduko dira Iruñera, bertan denbora librea izango dute 14:00ak arte eta jarraian bazkaria egingo dute Cafe Niza jatetxean. Hurrengoa izango da menua: entsalada mistoa, pikillo piperrak, risottoa, azpizuna patatekin eta pikillo piperrekin, torrijak eta edaria.

Irteeran parte hartu nahi dutenek azaroaren 12an erosi ditzakete txartelak Zaharren Babeslekuan bertan, 17:00etatik 18:00etara. Dena dela, zuzendaritzatik jakinarazi dute txartelak erosi ahal izateko eguneratuta izan behar dela sozio txartela. Horrez gain, argitu dute, autobus baterako baino jende gehiagok izena ematen badu, zozketa egingo dela; izan ere, bigarren autobusa antolatzeko, gutxienez, 20 lagunek apuntatu behar dute.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!