Salgai daude Benito Lertxundik Azpeitian eskainiko duen kontzerturako sarrerak

Salgai daude Benito Lertxundik Azpeitian eskainiko duen kontzerturako sarrerak

Urtarrilaren 25ean, ostiralean, eskainiko du oriotarrak kontzertua, Soreasu antzokian. Aurrealdeko sarrerek 25 euro balio dute eta atzealdekoek 20 euro; Sanagustinen eta kulturaz.eus-en eskura daitezke.

Benito Lertxundi musikari oriotarrak Ospakizun gaueandiskoa argitaratu berri du, eta azken lana aurkezteko kontzertua eskainiko du urtarrilaren 25an, ostirala, Azpeitiko Soreasu antzokian. Kulturaz Kooperatibak dagoeneko jarri ditu emanaldirako sarrerak salgai, eta herritarrek Sanagustin kulturgunean eta kulturaz.eusatarian eros ditzakete sarrerak. Aurrealdeko sarrerek (A eremua) 25 euro balio dute eta atzealdekoek (B eta C eremuak) 20 euro. Egunean bertan, berriz, 25 eurotan eskuratu ahal izango dira sarrerak. Antolatzaileek jakinarazi dutenez, sarrerak zenbakituak dira.

Urtarrilaren 25ean, 21:00etan hasiko da Lertxundiren kontzertua, eta azken diskoko abestiez gain, bere ibilbideko kantu ezagunak ere taularatuko ditu emanaldian.

Euskal musikagintzan 50 urteko ibilbide oparoa du Orioko Bardoak: 1971n lehen disko luzea kaleratu zuenetik, beste hamabost lan argitaratu ditu, eta azkenekoz duela sei urte egin zuen (Oroimenaren Oraina).

Irakurri Ospakizun gauean disko berriaren harira egindako elkarrizketa.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!