Orioko Udalak asteazkenean aurkeztuko die Zaharren Babeslekuko jubilatuei herriko pobreziari buruz egingo duen azterketa

Aurkezpen-ekitaldia kultur etxean izango da, 18:00etan hasita.

Udalak Orioko pobrezia, gabezia, desberdintasun eta gizarte-bazterketa egoerak aztertuko ditu, Siadeco Ikerketa Elkartearen bidez. Hori egiteko arrazoiak zein diren eta azterketa nolakoa izango den azaltzeko, aurkezpen-ekitaldi bat deitu du Udalak datorren asteazkenean, azaroak 14. Aurkezpena herriko jubilatuei begira antolatu du Udalak, baina irekia da azaldu nahi duten guztientzat.

Aurkezpen-ekitaldia kultur etxean izango da, 18:00etan.

Azterketa kuantitatiboa eta kualitatiboa
Teknika kuantitatiboak eta kualitatiboak uztartuko ditu Siadecok, azterketa-lan hori egiteko, herriko errealitatearen argazki ahalik eta osoena lortzeko. Azterketa hasita dago dagoeneko eta urtea amaitu aurretik jasoko du emaitza Udalak.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!