AZTIk antxoaren biomasa neurtu du Bizkaiko Golkoan, eta 490.000 tona antxoa gazte daudela ondorioztatu du, Juvena 2018 kanpaina zientifikoaren bidez. AZTIren arabera, urtebetetik beherako antxoaren biomasa hori batez besteko historikotik gora dago, eta, eta 2019ko antxoaren kanpainari begira "kopuru onak" direla azaldu du.
Ultrasoinu igorpenen bidez 400 metroko sakonera behatzea lortu dute zientzialariek, eta jasotako oihartzunaren arabera, antxoa gaztearen biomasa aurreikusi dute. Horrez gain, arrantza zehatzak ere egin dituzte itsasoaren eremu desberdinetan, urtebete baino gazteagoa den antxoaren neurria jakiteko; adierazi dute, 6,3 zentimetro luze dela antxoa batez beste. Plataforma kontinentaletik kanpora eta barrura aurkitu dute antxoa gaztea.
Datu horiek kontutan hartuta, 2019ko antxoaren kanpainan harrapaketak "ertainak edo handiak" izango direla aurreikusi dute.