Atzo iluntzean eskubaloiko Asobal Kopako finala jokatu zuten Lleidan Bartzelonak eta Bidasoa-Irunek. Azken honetan jokatzen du Jon Azkue oriotarrak. Hasi eta berehala okertu ziren gauzak Bidasoarentzat, Bartzelona 0-6 partzial batekin jarri baitzen aurretik. Lehen zatia amaitu zenerako, partida ia erabakita geratu zen: 18-7 Bartzelonaren alde. Bigarren zatian talde horiak gehiago asmatu bazuen ere, ez zen nahikoa izan Bartzelona garaitzeko, eta norgehiagokako 60 minutuak amaitzean, 37-23 emaitzarekin gailendu zen Bartzelona.
Bidasoa taldean jokatzen du Jon Azkue oriotarrak, eta atzoko Lleidako finalean ez zuten lortu Bartzelona garaitzea. 37-23 emaitzarekin gailendu ziren katalanak.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
Izan zaitez KARKARAko laguntzaile!