Udaberri pilota txapelketa hasiko da datorren asteburuan

Orioko bi taldeek hartuko dute parte urtarrilak 12ko asteburuan hasi eta martxora arte iraungo duen txapelketan.

Hilaren 12an emango zaio hasiera Gipuzkoako Euskal Pilota Federazioak antolatzen duen txapelketari. Probintziako elkarteek hartuko dute parte martxoa amaiera bitartean.

Orioko elkartetik bi talde izango dira txapelketan. Alde batetik, eskuz binaka lehenengo mailan Lertxundi-Aranalde. Bestetik, gomazko paletan gizonezkoen bigarren mailan, Arruti-Esoain-Murua. Bi taldeetan banatutako ligaxkako sistema izango da lehendabizi, ondoren, azken faseak jokatuko dituzte sailkatuek: finalerdiak eta finala.

Pilota eskola

Irailean hasi ziren pilota eskolako 40 haurrak entrenamendu saioetan. Ostiralero bezala jarraituko dute 17:00etan hasi eta 19:30 ingurura arte.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!