Eneko Eizagirre judokak urrezko domina irabazi zuen pasa den igandean, Espainiako Junior mailako A Kopan. Herrialde Katalanetako Tortosa herrian jokatu zen txapelketa asteburuan zehar, eta oriotarrak nagusitasunez irabazi zituen Kataluniako eta Andorrako ordezkarien aurka jokatutako borrokaldiak.
Eizagirre "gustura" dago txapelketan lortutako emaitzarekin, lesio batek behartuta tatamietatik kanpo egon baita denboraldi batez.