Emakumezkoen txalupak Julian Enriqueren XI. Oroimenezko Jaitsieran parte hartuko du igandean

Emakumezkoen txalupa denboraldiko uretako lehen entrenamenduan.

Sestaon jokatuko da jaitsiera, igandean 11:30ean hasita.

Igande goizean Julian Enriqueren XI. Oroimenezko Jaitsiera jokatuko da Sestaon, eta Orioko emakumezkoen txalupak parte hartuko du estropadan. 11:30ean hasiko da jardunaldia.

Larunbateko batel estropada bertan behera
Bestalde, hasiera batean astebururako Gipuzkoako Batel Ligako bi jardunaldi antolatuta zeuden, baina larunbatekoa, Donostiako Urumea ibaian jokatzekoa zena, eguraldi txarraren iragarpenagatik bertan behera geratuko dela jakinarazi dute Gipuzkoako Arraun Federaziotik. Igandean Pasaian izango den estropada jokatzeko asmoa du federazioak, ez bada azken orduko ezustekorik.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!