Irudietan: Zarauzko Arraun Elkarteak antolatuta, Gipuzkoako Batel Ligako jardunaldia jokatu dute gaur Orion

Hiru garaipen eskuratu ditu Orioko Arraunketa elkarteak, eta beste hiru kategoriatan bigarren postuan sailkatu da.

Eguzkiak gogor jotzen zuela uretaratu dira Oria ibaira kategoria desberinetako arraunlariak. Zarauzko Arraun Elkarteak antolatu du gaurko jardunaldia, eta Orioko batelek emaitza onak atera dituzte.

Neska promesetan (05:08'05), kadete mutiletan (07:07'25) eta jubenil mutiletan (08:46'17) Orioko batelak atera dira garaile. Infantil mutiletan (05:04'24), jubenil nesketan (09:44'71) eta senior mutiletan (08:26'48), berriz, bigarren postua eskuratu dute.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!