Gorka Eizmendik bigarren egin du Pozoblancon jokatutako rallyan

Gorka Eizmendik bigarren egin du Pozoblancon jokatutako rallyan

Espainiako lur gaineko rally txapelketan bigarren postua eskuratu du Gorka Eizmendi oriotarrak.

Pasa den larunbatean, apirilak 6, Espainiako lur gaineko rally txapelketako jardunaldia izan zen Pozoblancon (Andaluzia). Avia Rally Team taldeko Gorka Eizmendik bigarren egin zuen, Diego Sanjuan taldekidearekin batera.

Beraz, une honetan, Espainiako lur gaineko rally txapelketako bigarren postuan dago Eizmendi oriotarra. Apirilaren 26an eta 27an Nafarroako zirkuitua jokatuko dute, bosgarren urtez jarraian. Iaz Avia taldeak irabazi zuen proba, eta aurten ere bertan izango dira.

Hona hemen Espainiako lur gaineko rallly txapelketako sailkapena:

  1. Xevi Pons, 75 puntu
  2. Gorka Eizmendi, 58 puntu
  3. Alex Villanueva, 52 puntu
  4. Josep Basols, 46 puntu
  5. Eduard Pons, 40 puntu

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!