Aste honetan "ezusteko bisita" izan dute Orio Arraunketa Elkartean: Alemaniako Mayerle arraunlari ohia bertaratu zen ostegunean, apirilak 11. Mayerlek 1969ko Nazioarteko Estropadetan parte hartu zuen Orion, eta Korta oriotarra eta Wienesse holandarra izan zituen aurkari. Interes handia sortu zuen norgehiagokak, eta azkenean, Wienesse gailendu zen.
Aski ezaguna da 1969ko nazioarteko saioa, eta batez ere, Orioko, Cambridge-ko eta Oxford-eko arraunketa taldeek indarrak neurtu zituzten estropada. Cambridge izan zen irabazlea.