Orioko Kros Txikia izango da hilaren 18an, Zaragueta Eskolak antolatuta

Orioko Kros Txikia izango da hilaren 18an, Zaragueta Eskolak antolatuta
Orioko Kros Txikia

Kros Txikian HH 2 eta LH 6. maila bitarteko haur eta gaztetxoek parte hartu dezakete.

Orioko Kros Txikia antolatu du Zaragueta Herri Eskolak hilaren 18rako, larunbaterako; goiz-eguerdi partean izango da kirol hitzordua, 11:00etan hasita. Aurten hamargarren edizioa izango da, eta urteurren borobila ospatzeko herriko haurrak lasterketan korrika egitera animatu dituzte antolatzaileek. HH 2 eta LH 6. maila bitarteko haur eta gaztetxoek izango dute bertan parte hartzeko aukera, eta ikasleek beren adin tartera egokitutako distantzia osatu beharko dute.

Orioko Kros Txikian izena-emateko epea zabalik dago dagoeneko, eta Zaragueta Herri Eskolako zuzendaritzan edo 943-899242 telefono zenbakira hots eginda, Karela Kiroldegian edo Orioko Kultur Etxean izango da horretarako aukera. Horrez gain, jakinarazi dute, egunean bertan ere izena emateko aukera irekiko dutela 10:30etik lasterketa hasi bitartean. 

DISTANTZIA TAULA
HH 2 eta 3 - 100 metro
HH 4 eta 5 - 150 metro
LH 1. eta 2. maila - 300 metro
LH 3. eta 4. maila - 600 metro
LH 5. eta 6. maila - 1000 metro

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!