Donostian galdu egin dute OBBkoek

OBBkoek Orion izango dute hurrengo jardunaldia. (OBB)

Orioko Bate Bizkorrak taldekoek maiatzaren 1ean jokatu zuten Donostian, Atletico de San Sebastianen aurka. Etxean izango dute hurrengo jardunaldia, eta Projecte Gava taldekoekin neurtuko dituzte indarrak.

Orioko Bate Bizkorrak taldekoek jardunaldia izan zuten Donostian maiatzaren 1ean, asteazkena. Atletico de San Sebastianen aurka aritu ziren, eta bi partidak galdu zituzten oriotarrek. Lehen saioan 4-1 gailendu ziren etxekoak, eta bigarrenean 1-0 markagailuarekin amaitu zen norgehiagoka. Jardunaldi gazia, beraz, OBBkoentzat.

Hurrengo partida Orion jokatuko dute, eta Projecte Gava taldea izango dute parez pare.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!