Orioko Udalak Arraunetxeko pantalanak berritu ditu egun hauetan. Lehengo pantalanek 20 urtetik gora zituzten, eta gainazaleko zura oso hondatuta zegoen dagoeneko. Berritze-lanen helburua irisgarritasuna eta segurtasuna hobetzea izan dela azaldu du udalak. Pantalanetan jarri duten gainazal berria ez da zurezkoa, material polimero batekin egindakoa baizik; beraz, hezetasunarekin ez dela ustelduko aurreikusi dute. Tratamendu berezi batekin landu dute pantalanaren gaineko aldea, ez labaintzeko.
Amilibia ontziolak egin ditu berritze-lanak, eta guztira, 12.000 euroko kostua izan dute, BEZa barne.
12.000 euroko kostua izan dute berritze-lanek.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
Izan zaitez KARKARAko laguntzaile!