'Kaosa eta dilistak' jaialdia antolatu dute Etxeluzen

'Kaosa eta dilistak' jaialdia antolatu dute Etxeluzen

Musika, jolasak eta dilistak uztartuko dituzte Etxeluze Gaztetxean, ekainaren 1ean. Kontzertu sorta izango da iluntzean hasita: bederatzi talde taularatuko dira.

Kaosa eta dilistak izenburupean, jaialdia antolatu dute Orioko Etxeluze Gaztetxean ekainaren 1erako, larunbata. 12:00etan emango diote hasiera dilista txapelketari; parte hartzaileek gaztetxean bertan sukaldatu beharko dute, eta antolatzaileen esanetan, bakoitzak eraman beharko ditu eltzea, kanpin gasa eta barazkiak. 14:00etan izango da herri bazkaria, borondate truke, eta jarraian, jolasak egingo dituzte. Txapela jantzita eramateko eskatu dute antolatzaileek.

20:00etatik aurrera kontzertuak hasiko dira Etxeluzen, eta guztira, bederatzi talde taularatuko dira: Lokuria, Managaitz, Disasko, Peëdog, Saña, Polikarpa y Sus Viciosas, Kamorräh, Cult Of Misery eta Polemika.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!