Orioko Bate Bizkorrak sofbol taldekoek etxean jokatu zuten igandean, maiatzak 12. Projecte Gava taldearekin neurtu zituzten indarrak, eta bi partidetan gailendu ziren; hain zuzen, 7-0 markagailuarekin lehenengoan, eta 8-3 markagailuarekin bigarrengoan. Beraz, bi garaipen eskuratu dituzte oriotarrek asteburuko jardunaldian. OBBkoen arabera, azken emaitzei esker, toki "ona" lortu dute sailkapenean. Hala, gero eta hurbilago daude denboraldi hasieran zehaztutako helmugatik. Izan ere, bigarren taldean, Ligako azkeneko faserako sailkatzea da beren helburua, Kopa jokatzeko txartela poltsikoratzeko.
Hurrengo jardunaldia Valentzian izango dute oriotarrek, Antorcha taldearen aurka. Fase honetako azken partidak izango dira, eta irabaziz gero, zuzenean Ligako azken faserako sailkatuko da OBB.