Herri bazkaria antolatu dute Ikastola Egunean

Ikastolako komunitatea osatzen dutenen arteko harremanak estutzea dute helburu antolatzaileek.

Ekainaren 15ean, larunbatarekin, Ikastolaren Eguna dela eta, herri bazkaria antolatu dute. Iaz aspaldiko partez ekimen hau berreskuratzea erabaki zuten; Ikastolako komunitatea osatzen dutenen arteko harremanak estutzeko, komunitate izaera indartzeko eta herrira etorri diren guraso berriak beste gurasoekin sozializatzeko...Ikastola Eguna konfiantzazko giro alaian elkarrekin ospatu nahi dute antolatzaileek.

Horretarako bi menu prestatu dituzte: helduentzat, 15€ tan, entsalada, enbutidoak edo patea, oilasko-errea, postrea, kafea eta edariak. Eta haurrentzat, 10€tan, kroketak, hanburgesa eta izozkia. Bazkaltzeko txartelak idazkaritzan eta pergolan (Bittor) salgai izango dira, txartelak eskuratzeko azken eguna maiatzaren 31a izango da, gehienez 500 txartel jarriko dira salgai.

 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!