Aimar Galarragak Urrezko harri-jasotzaileen binakako lehiaren finala jokatuko du gaur

Gaur gauean izango da harri-jasotze txapelketako finala, 22:00etan hasita, Azpeitiko Izarraitz pilotalekuan.

Herri kirol zaleek hitzordu garrantzitsua izango dute gaur gauean Azpeitiko Izarraitz frontoian. Izan ere, 22:00etan hasita, bost final jokatuko dituzte pilotalekuan: 19 eta 23 urtez azpiko aizkolarien banakako txapelketa; Urrezko Aizkolari gizonen banakako lehiakoa; emakumeen trontza txapelketakoa; eta Urrezko Harri-jasotzaileen binakako lehiakoa.

Azken horretan, harri-jasotzaile oriotar batek parte hartuko du, Aimar Galarragak, hain zuzen ere. Hurrengoak izango dira finalean lehiatuko diren hiru bikoteak: Imanol Albizu Goikoetxea eta Xabier Aranburu Guzta Urrestillako bizilaguna; Jon Gisasola Zelai V.a eta Jokin Eizmendi zarauztarra; eta Iñigo Eizagirre Eiza zarauztarrak eta Aimar Galarraga oriotarra.

Finalera joateko sarrerak gaur bertan jarriko dituzte salgai, eta herritarrek 20:30etik aurrera izango dute horiek erosteko aukera frontoiko lehiatilan, 21 eurotan.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!