Ekainaren 13an, datorren ostegunean, San Antonio Eguna izango da. Egun horretan, Orioko San Nikolas Kofradiak bertako kide erretiratuekin bazkaria egiten duela aprobetxatuz, eguerdian, 13:00etan, argazkia atera nahi dute kofradia zaharraren aurrean. "Oraindik data zehatza ez badakigu ere, laster eraitsiko dute kofradia zaharra, eta hori gertatu aurretik argazkia atera nahi dugu Kofradiako kideok". Kofradiako kide erretiratuak eta aktiboak bildu nahi dituzte argazkirako. Herriko arrantzaleek bukatu dute antxoaren kanpaina eta egunotan hegaluzetarako prestatzen ari direnez, kofradiako kide aktiboei ere argazkian parte hartzeko deia luzatu diete Orioko Kofradiatik.
Argazkia, ostegunean, 13:00etan, Kofradia Zaharraren aurrean aterako dute.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
Izan zaitez KARKARAko laguntzaile!