Ekainaren 19an egingo du ikasturteko azken bingo saioa, Orioko Zaharren Babeslekuak

Erretiratuak bingoan jolasten.

Udan ez da asteazkenetako bingo saiorik izango, ezta pentsio duinen aldeko elkarretaratzerik ere.

Asteazken arratsaldero erretiratuentzat eta pentsiodunentzat bingo saioa antolatzen du Orioko Zaharren Babeslekuak, Orioko Kultur Etxeko areto nagusian. Udan kultur etxeak ordutegi berezia izaten duenez, Zaharren Babeslekutik jakinarazi dute, ekainaren 19an egingo dutela denboraldiko azken bingo saioa. "Berez hilaren 26a da hilabeteko azken asteazkena, baina egun horretarako irteera antolatu dugu Santanderrera; beraz, ekainaren 19an egingo dugu ikasturteko azken bingo saioa". Urriaren 2an ekingo diote berriz ere asteazkenetako bingo hitzorduari.

Bestalde, Orioko pentsiodunen eta erretiratuen elkartetik azaldu dute, astero pentsio duinen alde egiten duten elkarretaratzeak ere ez dituztela egingo uda partean. 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!