Asteburuan Galizian jokatuko dituzte estropadak Orioko gizonezkoen eta emakumezkoen ontziek

Karkara 2019ko uzt. 5a, 15:59
Orio Arraunketa Elkarteko A trainerua. (Aitor Arrizabalaga/Eusko Label Liga)

Hainbat oriotar oporralditxoa edo asteburua pasatzera joan dira Galiziara, estropaden aitzakian.

Orio Arraun Elkarteko gizonezkoen A taldea eta emakumezkoen trainerua Galiziara bidean dira, beste hainbat arraun zalerekin batera. Izan ere, Bandera Cidade de Coruña bandera izango dute jokoan neskek eta mutilek. Larunbatean 18:00etan hasiko da hitzordua, eta igandean 11:30ean abiatuko dituzte bigarren eguneko estropadak. Dena dela, arraunlariak ez dira bakarrik izango Galizian, oriotar askok oporralditxoa edo asteburua pasatzera joan baitira A Coruña aldera, estropaden aitzakian.

Harrobiak estropada Mutrikun
Harrobiko taldeak ere ez du hutsik egingo asteburuan, eta larunbatean estropada jokatuko dute Mutrikun; III. Mutrikuko Yurrita Group Bandera lortzeko lehian izango dira. 17:00etan hasiko dira KAE 2 mailako estropadak.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!