Jose Luis Kortak San Juanen entrenatzaile modura hasi edo ez erabakiko du aurki

Kortak iaz eman zuen bukatutzat bere ibilbidea Kaikun, baina baliteke laster etapa berri bat hastea, San Juango gizonezkoen taldearen entrenatzaile modura. Gaur bertaratuko da entrenamendu saio batera.

70 urte bete ditu Jose Luis Kortak, baina badirudi arraunean etapa berriei heltzeko prest dagoela oraindik. Iaz eman zuen bukatutzat bere ibilbidea Kaikun, baina hainbat hedabidek jakinarazi dutenez, baliteke aurki aro berri bat hastea, San Juango gizonezkoen taldearen entrenatzaile modura. Hala izatekotan, posible da uda honetan hastea entrenatzaile lanetan, 2021. urteko irailera arte.

Gaur, ostirala, San Juan taldearen entrenamendu saio batera bertaratuko da Korta. Iaz mailaz jaitsi ziren, eta sasoi honetan, KAE-1 ligako lehian dabiltza burubelarri. Laugarren postuan daude une honetan. San Juan Koxtape elkartea izan da Kortarengana jo duena, eta orain, oriotarrak erabaki beharko du proposamenari eutsi edo ez.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!