Imanol abeslariaren omenezko kontzertua eskainiko dute ostiralean

(Innovart)

Donostiako Jazzaldiaren barruan antolatu dute Imanolen omenezko emanaldia. Iñaki Salvador piano-jotzailea eta bere taldekideak igoko dira Orioko plazako oholtzara.

Datorren asteazkenetik igandera bitartean izango da Donostiako Jazzaldia; uztailaren 24tik 28ra, alegia. Egitasmoaren barruan, kontzertu bat antolatu dute Orion, ostiralerako. Imanol kantariaren omenezko emanaldia izango da, eta Iñaki Salvador piano-jotzailea eta bere taldekideak igoko dira Orioko plazako oholtzara. 19:00etan hasiko da kontzertua.

Imanolen zenbait abesti jazz estilora egokitu dituzte Salvadorrek eta bere taldekoek. Besteak beste, Karlos Gimenez piano-jotzailea eta Ainara Ortega eta Petti abeslariak ariko dira Orion.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!