Euskadiko Traineru Txapelketa jokatuko dute bihar

(Iban Egiguren)

Hondarribiko uretan izango da Euskadiko Traineru Txapelketa, eta bertan izango dira Orioko emakumezkoen ontzia eta gizonezkoen lehen ontzia.

Bihar, San Ignazio Eguna, Euskadiko Traineru Txapelketa egingo dute Hondarribiko (Gipuzkoa) uretan, eta bertan izango dira Orioko emakumezkoen ontzia eta gizonezkoen lehen ontzia. Euskotren ligako lau taldek eta ETE ligako lauk neurtuko dituzte indarrak emakumezkoen lehian, eta gizonezkoenean, Eusko Label ligako zazpi taldek eta KAE1 ligako batek hartuko dute parte. 12:00etan hasiko dira estropadak.

Orioko emakumezkoen ontziak bigarren txandan jokatuko du, Kaiku, Hondarribia eta Deusturekin batera. Aurreneko txandan, aldiz, Ondarroa, Zumaia Telmo Deun, Isuntza eta Hibaika ariko dira.

Gizonezkoek ere bigarren txandan hartuko dute parte, Bermeo, Hondarribia eta Itsasoko Amarekin. Haien aurretik jokatuko dute Zarauzko Enbatak, Ondarroak, Kaiarribak eta Zierbenak.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!