Datorren abuztuaren 16an, ostiralarekin, kontzertua izango da Herriko Plazan, 19:30ean hasita. Orioko Udalak eta Enbor Akzio Kulturalak elkarrekin antolatu dute saioa, Ziaboga musika-zikloaren barruan.
Paul San Martin & Denis Agenet (EH-Frantzia)
Blues estiloko piano-jotzaile entzutetsua da Paul San Martin. Stride eta Boogie Woogie estiloko doinuek erakarrita, 2011n Gaztelupeko Hotsaken zigilupean, “Tracks” izeneko lana argitaratu zuen.
Horrez gain, Stay Blues izeneko taldearekin, hamaika blues eta jazz-jaialditan aritutakoa da; horien artean, Donostiako Jazzaldian hainbatetan hartu du parte. Izen handiko artistekin kolaborazioak egina da eta Ziaboga musika zikloan, Denis Agenet bateria-jotzaile frantsesarekin parte hartuko du.