Ireki ditu ateak Orioko euskaltegiak

Aurreko ikasturteko argazki bat. (Orioko AEK)

Ikasturte berrirako izen-ematea ireki dute dagoeneko, eta interesa dutenek, irailaren 25era arte izango dute izena emateko aukera.

Irailean murgildu gara dagoeneko, eta ate joka da ikasturte berria. Orioko AEK-k ireki ditu euskaltegiko ateak, baita datorren ikasturterako izen-ematea ere. Hala, aurtengo euskara eskoletan parte hartu nahi dutenek, irailaren 25era arte izango dute izena emateko aukera.

Kosta tailerrean dago Orioko euskaltegia, Arrantzale kalean. AEK-ko kideek azaldu dutenez, astelehenetik ostegunera dago irekita; 17:00etatik 20:00etara astelehenetan eta asteazkenetan, eta 08:30etik 13:30era astearteetan eta ostegunetan.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!