Jende ugari bildu da Mandalara jardunaldietan

Ostiraletik atzora bitarte egin dituzte Mandalara jardunaldiak, eta besteak beste, musika, emozioak, landareak edota zaintza izan dituzte hizpide.

Ostiralean, irailak 27, Patxi Del Campo musikologoak ireki zuen asteburu osoko egitaraua. La música como cuidadora de las emociones hitzaldia eskaini zuen, Arraunetxen. Larunbatean ere bertan elkartu ziren, eta bi saio izan ziren:Yoga en familia Jesica Moralesen eskutik, eta El secreto de las plantas, Gabriel Vazquez idazlearen eskutik.

Atzo ere birritan bildu ziren Arraunetxen herritarrak. Goizean Aprender por un@ mism@ a cuidarse a un@ mism@ hitzaldia eskaini zuen Eneko Landaburu doktoreak, eta arratsaldean, Afrikako musikaren inguruko tailer interaktiboa izan zen Sökole-rekin. Saio horrekin itxi zituzten Mandalara taldeak antolatutako jardunaldiak.

Argazkiak: Mandalara

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!