Atzo arratsaldean, suhiltzaileak Orioko portuan izan ziren, urperatu zen itsasontzi baten erregai-ihesa kontrolatzen. Antza denez, herritar batek udaltzainei jakinarazi zien erregaia zerion ontzia zegoela portuan, hondoratuta. Udaltzaingoak larrialdi zerbitzura hots egin zuen, eta suhiltzaileak iritsi ziren 18:30ak inguruan. Bi orduz aritu ziren lanean, eta erregai-ihesa kontrolatzea lortu zuten.