Gorka Eizmendi pilotu oriotarrak lur gaineko Epainiako Rally Txapelketa (CERT) jokatuko du Diego Sanjuanekin batera azaroaren 14tik 15era, Madrilen.
Azken jardunaldian garaipena lortzeko talde faboritoen artean bazeuden ere, ez zuen esperotako emaitza lortu oriotarrak. Lanzaroten urriaren 5ean eta 6an jokatu zen frogan, akats mekaniko bat izan zuen autoak lehenengo zatiko azken txanpan, eta lasterketa utzi beharra izan zuen AVIA Rally taldeak.
Bigarren postuaren bila
Ezusteko jardunaldiaren ondoren, hirugarren postua dute Eizmendi eta San Juanen sailkapen orokorrean, 134 punturekin. Bigarren postua duen Javier Pardo pilotuarengandik lau puntura. Gogor borrokatuko du oriotarrak bigarren postua lortzeko.