Mintzalagun programaren irekiera ekitaldia egingo dute ostegunean, 18:30ean, Orioko Kultur Etxean. Egitasmoak euskaraz hitz egiteko aukera ematen die euskara-ikasleei, eta beren maila hobetu nahi dutenei, euskaldun zaharrekin harremanetan jarrita. Talde txikitan juntatzen dira astean behin, ordu betez, euskaraz hitz eginez kafe bat hartzeko edota paseatzeko.
Ikasturte hasierako ekitaldia ostegunean egingo badute ere, oraindik izena-ematea zabalik dago. Programa guztiz doakoa da, eta bertan parte hartu nahi dutenek, hiru bide hauetako bat erabili dezakete izena emateko: urolakosta@aek.eus helbidera idatzi, 625 485 215 telefonora deitu edo Orioko euskaltegian Mintzalagun programaz galdetu.