Xabier Artiedaren eskutik, 'Everybody needs... heroes!' antzezlana izango da bihar gauean, Etxeluze gaztetxean. Komedia eta keinu bidezko komunikazioa uztartzen ditu lanak, eta "egunerokotasunean heroikotzat jotzen ditugun pertsonak eta fantasiak" ditu hizpide.
Lau heroi dira protagonistak, eta "jokoa eta zentzugabekeria" izango dituzte helduleku. Ruben Hernandezek eta Julio Cesarrek zuzendutako antzezlana da, eta oriotarrek bihar ikusi ahalko dute gaztetxean, 20:00etan hasita. Sarrerak unean bertan izango dira salgai, 5 euroan.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!