Ikastaroak ezagutzeko ate irekien jardunaldia egingo dute Karela kiroldegian

Hiruhilekoa hasi berri dute Karelan, eta herritarrek kiroldegiko eskaintza ezagutu dezaten ikastaroak probatzeko aukera eskainiko dute.

Karela kiroldegiak hiruhilekoa abiatu du aste honetan, eta herritarrek kiroldegiko eskaintza ezagutu dezaten ikastaroak probatzeko aukera eskainiko dute ate irekien jardunaldian. Gainera, zein ikastarotan izena eman ez dakitenek kirol aholkulariaren laguntza ere izango dute. "Izan ere, aholkulariak helburu, interes eta egoera pertsonalaren arabera, herritar bakoitzari gehien komeni zaion ikastaroa gomendatuko dio", azaldu dute Karela kiroldegiko arduradunek.

Bestalde, bazkideentzat doako Xprees jarduerak eta jarduera bereziak eskainiko ditu Karela kiroldegiak.

Ikastaroak probatzeko edo jarduera berezietan parte hartzeko informazioa kiroldegiko harreran, edo 943 89 44 28 telefono zenbakira deituta eskuratu daiteke.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!