Argazkiak: Karkara eta Orio Arraunketa Elkartea
Gaur arratsaldean aulki mugikorreko 106 ontzi bildu dira Orion, Distantzia Luzeko Euskadiko Txapelketa jokatzeko, horietatik 17 oriotarrak. Orio Arraunketa Elkarteak bederatzi domina eskuratu ditu txapelketan: hiru urre, lau zilar eta bi brontze. Hala nola, urrezko domina irabazi dute senior mailako gizonezkoen zortzikoak, jubenil mailako nesken laukoak eta kadete mailako nesken skiffak. Orio Arraunketa Elkarteko kideak gustura dira Euskadiko Txapelketan egindako lanarekin, eta arraunlariak zoriondu dituzte.