Taxi-geltokiak kokapen berria izango du hemendik aurrera

Aritzaga-Herriko Plazako berrantolaketa dela eta, Ibaiondo aldera mugituko dute taxi-geltokia, behin betiko.

Aritzaga-Herriko Plazako berrantolaketa dela eta, taxi-geltokia tokiz aldatuko da datozen egun hauetan: Zaharren Babeslekuaren paretik Ibaiondo aldera mugituko da, Correos-eko aparkalekuaren ondora, irudian ikus daiteken moduan.

Aldaketa behin betikoa izango da, beraz, plaza inguruko lanak amaitutakoan ere kokaleku berri horretan geratuko da taxi-geltokia. Segurtasuna hobetzeko, inguruko aparkalekuen norabidea aldatuko da: orain Arrantzale kalean egiten den bezala, atzeraka aparkatu eta aurreraka atera beharko da aparkaleku horietan.

 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!