Maider Zabalegik bakarkako bigarren diskoa aurkeztuko du Orion

Kantari oiartzuarrak kontzertua emango du Orion otsailaren 21ean, ostiralarekin, Bidean izenburupean argitaratu duen lana aurkezteko.

Maider Zabalegi musikariak kontzertua emango du Orion otsailaren 21ean, ostiralarekin. Emanaldiari gaueko hamarretan emango zaio hasiera, kultur etxeko areto nagusian.

Sarrerak aldez aurretik erosi behar dira kultur etxean bertan, eta bi euroko prezioa izango dute. Dagoeneko eskuratu daitezke Udalak salgai jarri dituen 100 txartelak.

Maider Zabalegi abeslari eta konposatzailea da, eta 14 urterekin ezagun egin zen Euskal Herrian Alaitz eta Maider bikoteko partaidea izateagatik. Beren abesti batzuk asko entzun ziren 90eko hamarkadan. 2017an bakarkako lehen diskoa aurkeztu zuen Zuei izenburuarekin, eta orain, bigarren lana aurkezten dihardu: Bidean.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!