Protesta zaratatsuarekin hasi dute gauerdian Emakumeen Nazioarteko Eguna

Orioko kaleetan aldarri feministak nagusitu dira bart, Gaztetxetik kalera manifestazio zaratatsua egin dutelako dozenaka herritarrek. Gauerdiko protestarekin hasi dute aurtengo Martxoaren 8a.

Xaltxerak talde feministak, Orioko Ahalduntze Eskolak, Etxeluze gaztetxeak eta Udalak elkarlanean antolatu dute gaurko eta datozen egunetarako egitaraua, Emakumeen Nazioarteko Egunaren harira.

Hona hemen gaurko deialdi-zerrenda:

9.30: Txokolate banaketa Aritzaga kalean.

10.00: Zumba feminista Aritzaga kalean.

11.30: Eguerdiko manifestaziorako materiala sortzeko elkarketa Ibai-Ondo plazan. Euriarekin, frontoian.

13.00: Manifestazio zaratatsua ‘Antolatu indarrak, batu borroka feministara’ lelopean. Ibai-Ondo plazatik.

14.30: Emakumeon* bazkari autogestionatua gaztetxean. Ondoren, mikro irekia.

 

Emakume Langilearen Nazioarteko Egunaren deialdiek izango dute jarraipenik beste zenbait egunetan:

Martxoak 13, ostirala, 22:30ean: Evaren alabak antzezlana Kultur Etxean.

Martxoak 24, asteartea, 18:30ean: Irakurketa feminista saioa. Guztiok izan beharko genuke feministak, Chiwamanda Ngozi Adichieren manifestua.

Martxoak 31, asteartea, 18:30ean: Hitzaldia: Zaintzaren esklabo, etxeko langileen egoeraz. Hizlaria: Silvia Carrizo. Gazteleraz izango da saioa.

Apirilak 4, larunbata, 15:00etan: Emakumeak* piraguan, Arraunetxen.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!