Ibai Makazagak irabazi du Mahasti Krosa

Makazagak bere pisua adina kilo txakolin eraman zituen etxera atzokoan.

00:33:44ko denboran amaitu du Mahasti Kroseko ibilbidea Ibai Makazaga oriotarrak. Aurreko bi aldietan irabazi duen Ander De Luisek ezin izan zuen Makazaga garaitu eta haren atzetik iritsi zen, minutu eta hamasei segundo beranduago. Gizonezkoen podiuma Guillermo Vahl triatleta zarauztarrak osatu zuen, zazpi kilometro eta erdiak 00:35:42ko denboran osatuta.

Emakumezkoetan, berriz, Aretxabaletako Ainara Urrutiak egin zuen denborarik onena: 00:41:21. Bigarrena Nerea Amilibia aiarra izan zen, 00:43:11ko denbora eginda. Hirugarren, berriz, Usurbilgo Rosa Uribe, 00:43:20ko denborarekin. Hala, Makazagak eta Urrutiak beren pisua adina kilo txakolin eraman zituzten etxera atzokoan.

Lehia amaitutakoan, txakolina eta Eusko Label elikagaiekin egindako pintxoak dastatu ahal izan dira txakolindegian bertan. Caritasek esku hartu du ekimenean: ateratako dirua Eusko Label produktuak erosteko erabiliko dute eta, ondoren, produktu horiek Caritasi berari emango zaizkio.

Ikusi lasterketako argazkiak Zarauzko Hitzako webgunean.

Azken argazkia, sari-banaketakoa, Lorentxo Portularrumek utzia da.

Probako sailkapena osorik ikusgai dago herrikrosa.eusatarian.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!