Gipuzkoako Arraun Federazioak aurtengo batelen liga amaitutzat eman du

Koronabirusaren ondorioz eman diote amaiera Gipuzkoako batel ligari, Gipuzkoako Arraun Federazioak jakitera eman duenez.

Negu giroagatik ligako estropada asko bertan behera geratu izan dira aurreko urteetan, eta urte batean edo bestean udaberrian izan zuten gaztetxoek arraunean aritzeko aukera. Aurten espero baino azkarrago amaitu da liga, koronabirusa dela eta. Gipuzkoako Arraun Federazioak amaitutzat eman du liga, beste kirol jarduera asko bertan behera geratu diren bezala. 

Federazioak gaineratu du une honetan sailkapenean puntu gehien dituena izango dela irabazle bere kategorian.

Aurreikusita zeuden hamabi jardunaldietatik sei jokatu dituzte (otsailaren 16an Zumaian jokatu behar zen jardunaldia bertan behera geratu zen hego haizeagatik).

Sailkapenak hemen ikus daitezke.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!