#EtxetikMundura

#EtxetikMundura: Iñaki Gurrutxagaren bertsoak

Iñaki Gurrutxagak bertso sorta bidali du #EtxetikMundura egitasmorako. Gai honi tiraka egin ditu bertsoak: "Herriko zaintza sarean lanean ari dira 120 boluntario inguru".

Gurrutxagaren bertsoez gain, Urola Komunikazio Taldeko (UKT) tokiko hedabideetan beste hainbat saio ikusi ahal izango dira gaur: Maxixatzen.eus-en Itziar Elias aktoreak, Zarauzkohitza.eus-en Occhi di Farfalla musika taldeak, Uztarria.eus-en Ane Jurado kantariak eta Baleike.eus-en Igor Goikoetxea disko-jartzaileak eskainiko dituzte emanaldiak.

Bihar izango dute jarraipena emanaldiek; izan ere, herriko beste hainbat sortzaileren saioak prest ditu dagoeneko Karkara.eus-ek, baita UKTko gainerako hedabideek ere. Dena den, tokian tokiko saioen iragarpenen zerrendetan agertzen ez diren sortzaileek ere izango dute egitasmoan parte hartzeko aukera. Horiek bideoak zuzendaritza@ukt.eus e-posta helbidera bidali besterik ez dute; edozein kultur adierazpenekin lotutako emanaldiak onartzen dira. Beraz, animatu eta bidali zuen bideoak!

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!