#EtxetikMundura

Azkaiter Pelox, etxetik mundura

Azkaiter Peloxek kantu bat bidali du Bergaratik #EtxetikMundura egitasmorako, eta, bide batez, besarkada bana ere bai Orioko lagun guztientzat.

Urola Komunikazio Taldeko (UKT) tokiko gainontzeko hedabideetan ere eskaini dituzte saioak: Uztarria.eus-en Inharrak taldearen olerkiak eta doinuak, Maxixatxen.eus-en Mikel Iraeta musikariak, Zarauzkohitza.eus-en Bixente Martinez musikariak eta Baleike.eus-en Oihana Rodriguez musikari zumaiarrak.

Bihar izango dute jarraipena emanaldiek; izan ere, herriko beste hainbat sortzaileren saioak prest ditu dagoeneko Zarauzko Hitzak, baita UKTko gainerako hedabideek ere. Dena den, tokian tokiko saioen iragarpenen zerrendetan agertzen ez diren sortzaileek ere izango dute egitasmoan parte hartzeko aukera. Horiek bideoak zuzendaritza@ukt.eus e-posta helbidera bidali besterik ez dute; edozein kultur adierazpenekin lotutako emanaldiak onartzen dira. Beraz, animatu eta bidali zuen bideoak!

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!