Ikastolako komunitatea ere, zaintza sarean

Ikastolako komunitatea ere buru-belarri dabil Orioko zaintza-sarean. Horren inguruko argitalpena egin dute komunitateko beren atalean.

Koronabirusari aurre egingo badiogu, ondo dakigu guztion arteko erantzukizun eta elkarlanari esker izango dela. Bizipen berri hauek erakutsi digute ekintzailetza, ondokoa zaintzea eta elkarlana ez direla ikasgeletan galtzen diren hitz soilak. Jada bi aste daramatzagu ikasgaiak etxetik eman eta jasotzen. Ezin esan erraza denik, baina nola irakasleen hala ikasleen erantzuna eta egoerara egokitzeko gaitasuna apartak izan direla deritzo Ikastolak. Orain, gizarteak hala eskatuta, pausu bat haratago eman du Ikastolako komunitateak, eginaz transmititzen baitira balioak eta ereduak.

Zaintza Taldean, erosketak egiten eta maskarak josten

Orioko udalak Zaintza Taldea sortu orduko Ikastolako hainbat irakaslek eta langilek (Iñaki, Nere, Bittor, Eneritz…) eman zuen izena etxean dauden adinekoei erosketak egiteko eta laguntza bereziak behar dituztenei laguntzeko. Aste honetan, berriz, jostunak sartu dira inurri-sarean, isil-isilik, bakoitza bere etxean, maskarak eta batak josten. Zaintza Taldekoek egindako deialdiari erantzunez, Elisa, Maider, Aurora, Maialen… irakasle jostunek (baita zenbait ikaslek ere) beraien jakintza eta denbora zaintzarako beharrezko materialak prestatzera bideratu dituzte. “Hasieran, etxean nuen materialarekin bizilagun guztientzat josi nituen maskarak, eta handik gutxira Zaintza Taldekoen eta DYAkoen mezu bana jaso nuen whatsappez. Bietan eman nuen izena. Zaintza Taldekoek segidan ekarri zidaten materiala eta, DYAkoek astelehenean ekarriko didate” kontatu digu Elisak. Zehazki ez dakite norako diren, baina Donostiako ospitalerako, zahar etxeetarako eta, oro har, zaintza guneetarako direla uste dute.

Tekno gelako 3D inpresorak ere osasun biserak ekoizten

Teknologiako ikasgaian ikasleek erabiltzen dituzten 3D inprimagailuak ere ez daude lo. Iñaki Zarauz teknologiako irakasleak zetorrena aurreikusi eta bere etxera eraman zituen joan den astean. Maker komunitatearen eskaerari erantzunez hasi da Iñaki sendagile eta erizainentzako osasun biserak ekoizten. Kasu horretan, sudurra eta ahoa ez ezik, begiak ere babesten dituen 'maskara' moduko bat da. “Izena eman nuenean DYAkoek ekoizpenerako behar nuen materiala etxeko portalean utzi zidaten. Inprimagailu bakoitzak ordu t’erdi behar du maskara bat ekoizteko. Oraingoz 16 egin ditut, baina lanean jarraituko dut. Egindako maskarak ongi garbitu eta desinfektatu ostean, hamarnaka bildu eta portalean utziko ditut DYAkoek Donostiako ospitalera eraman ditzaten” azaldu digu Iñakik.

Ikasleek Sketch Up programa erabiltzen dute beraien diseinuak egiteko. Kasu honetan, diadema antzeko baten diseinua Maker komunitatearen webgunetik bertatik deskargatu behar da eta, ondoren, makinak lanean jarri. Diadema horrek lau zulo ditu enkuadernatzeko erabiltzen den plastiko bat bertatik lotzeko. Berria egunkarian Maker komunitateko arduraduna den Eneko Astorkizak zioenez, "egunero eskatzen dizkigute biserak ospitaleetatik".

Une zail hauetan gure jakintza eta denbora gizartearen zerbitzura jartzea da norbanakook egin genezakeen ariketa onena. Ikastolan argi dugu, hitzez ez ezik, eginaz transmititzen dira balioak eta ereduak.

Zaintza Taldean, erosketak egiten eta maskarak josten

Orioko udalak Zaintza Taldea sortu orduko Ikastolako hainbat irakaslek eta langilek (Iñaki, Nere, Bittor, Eneritz…) eman zuen izena etxean dauden adinekoei erosketak egiteko eta laguntza bereziak behar dituztenei laguntzeko. Aste honetan, berriz, jostunak sartu dira inurri-sarean, isil-isilik, bakoitza bere etxean, maskarak eta batak josten. Zaintza Taldekoek egindako deialdiari erantzunez, Elisa, Maider, Aurora, Maialen… irakasle jostunek (baita zenbait ikaslek ere) beraien jakintza eta denbora zaintzarako beharrezko materialak prestatzera bideratu dituzte. “Hasieran, etxean nuen materialarekin bizilagun guztientzat josi nituen maskarak, eta handik gutxira Zaintza Taldekoen eta DYAkoen mezu bana jaso nuen whatsappez. Bietan eman nuen izena. Zaintza Taldekoek segidan ekarri zidaten materiala eta, DYAkoek astelehenean ekarriko didate” kontatu digu Elisak. Zehazki ez dakite norako diren, baina Donostiako ospitalerako, zahar etxeetarako eta, oro har, zaintza guneetarako direla uste dute.

Tekno gelako 3D inpresorak ere osasun biserak ekoizten

Teknologiako ikasgaian ikasleek erabiltzen dituzten 3D inprimagailuak ere ez daude lo. Iñaki Zarauz teknologiako irakasleak zetorrena aurreikusi eta bere etxera eraman zituen joan den astean. Maker komunitatearen eskaerari erantzunez hasi da Iñaki sendagile eta erizainentzako osasun biserak ekoizten. Kasu horretan, sudurra eta ahoa ez ezik, begiak ere babesten dituen 'maskara' moduko bat da. “Izena eman nuenean DYAkoek ekoizpenerako behar nuen materiala etxeko portalean utzi zidaten. Inprimagailu bakoitzak ordu t’erdi behar du maskara bat ekoizteko. Oraingoz 16 egin ditut, baina lanean jarraituko dut. Egindako maskarak ongi garbitu eta desinfektatu ostean, hamarnaka bildu eta portalean utziko ditut DYAkoek Donostiako ospitalera eraman ditzaten” azaldu digu Iñakik.

Ikasleek Sketch Up programa erabiltzen dute beraien diseinuak egiteko. Kasu honetan, diadema antzeko baten diseinua Maker komunitatearen webgunetik bertatik deskargatu behar da eta, ondoren, makinak lanean jarri. Diadema horrek lau zulo ditu enkuadernatzeko erabiltzen den plastiko bat bertatik lotzeko. Berria egunkarian Maker komunitateko arduraduna den Eneko Astorkizak zioenez, "egunero eskatzen dizkigute biserak ospitaleetatik".

Une zail hauetan gure jakintza eta denbora gizartearen zerbitzura jartzea da norbanakook egin genezakeen ariketa onena. Ikastolan argi dugu, hitzez ez ezik, eginaz transmititzen dira balioak eta ereduak.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!