Orioko Udalaren oharra herriko obrei buruz

Argazkia: Joxe Mari Olasagasti

Espainiako Gobernuak martxoaren 30an argitaratutako dekretua dela eta, Udalak azalpenak eman dizkie herritarrei.

Hau da hitzez hitz udalak argitaratu duen informazioa:

1.- Txara eta Agerre baserrietako bideak asfaltatzeko lana aurreko astean amaitu zen.

2.- Mutiozabal ontziolako saneamendu-lanak geratu egin ditugu eta, gauzak ondo bidean, Aste Santuaren ondoren hasiko dira berriz.

3.- Txanka-hondartzako espaloia errematatzeko lana aurreko astean hasi zuen Udalak. Lanari berriro ekiten zaionean, 10 egun inguru beharko dira bukatzeko.

4.- Aita Lertxundi kaleko lanei dagokienez, azken zatia bukatzeko dago: Aita lertxundi 22-28ko zatia. Bestalde, baldosak jartzeko daude eta autobus-geltokia betiko lekuan dago berriz ere. Obrak berriro hasten direnean, hilabete bat beharko da bukatzeko, eta, azken zati horretan oinezkoen bidea asko estutzen denez (ikusi argazkia), pasaera itxita izango da oinezkoentzat, bertako komertzio, atari eta garajeetara joateko izan ezik.

5.- Herriko Plaza eta Aritzaga kaleko obra ere geldituta dago. Obra hau oso martxa onean doa: momentu honetan kioskoaren egitura jarrita dago eta, obra berriro abiatzen denean, kioskoa estaltzeari ekingo zaio.

6.- Itxaspeko bidea egonkortzeko lanak hasita daude eta lanik zailenak bukatuta. Obra berriro abiatzen denean, beste lau aste beharko dira mikro-piloteak jarri eta bidea txukuntzeko.

7.- Herriko bideak irisgarri egiteko zenbait lan adjudikatuta daude: Arrantzale kaleko zebra-bideak altxatzeko lanak, Muntoko pasarela berritzea… Egoera egonkortzen denean jarriko dira martxan.

8.- Haurreskolako terrazan estalkiea jartzeko lanak hasita daude, baina geldituta: estalkiaren egitura metalikoa jarrita dago eta kristala jartzea falta da.

9.- Futbol- eta softbol-zelaiko belarra aldatzeko lehiaketa publikoa martxan dago, baina proposamenak jasotzeko epea bi astez atzeratu da.

Hirigintza-zinegotziaren mezua

Udaleko Hirigintza zinegotzi Ainara Munduatek eskerrak eman nahi dizkie herritarrei, erakusten ari diren jarreragatik:

«Martxa onean zihoazen obrak, baina, orain, alarma-egoera honetan, langileen babesa eta segurtasuna obra guztien aurretik jarri behar izan dugu. Obrak ondo doaz eta, berriz lanean hasi bezain pronto, lan asko berehala amaitzeko bidean izango gara. Egoera deseroso honen aurrean herritarrak izaten ari diren jarrera ona nabarmendu nahi dut eta, horregatik, eskerrak eman nahi dizkizuet guztiei».

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!