Orioko Udalak neurri garrantzitsuenak jakinarazi ditu.
- Herritarrek Gipuzkoa osoan barrena mugitu ahal izango dute eta, beraz, aukera izango da, esaterako, lurralde historikoko beste edozein herritan bizi diren senide eta lagunak bisitatzeko.
- Kalera ateratzeko ordu-tarteak bertan behera geratu dira 10.000 biztanletik beherako herrietan (Oriok 6.000 biztanle inguru du) eta, hortaz, oriotarrak nahi duten orduan atera daitezke kalera 06:00etatik 23:00etara, eta ez ordu jakinetan, adinaren arabera, orain arte bezala (neurri hau atzo iragarri zuen Espainiako Gobernuak eta iragarkia BOEn argitaratu ondoren jarriko da indarrean).
- Berriro ere aisialdiko arrantzan edo ehizan aritzeko baimena izango dute herritarrek, elkarren arteko distantzia fisikoa gordeta.
- Denda eta tabernek, berriz, aurreko astean jarritako neurriak betetzen segitu beharko dute, horietan baldintzak ez dira-eta aldatuko, hasiera batean, 2. fasean sartu arte. Aldaketa bakarra da merkealdia egiteko aukera izango dutela dendek azkenean, Espainiako Gobernuak hasiera batean ezetz esan bazuen ere.