Orioko gizonezkoek geratu ziren atzo, Bandeira Cidade da Coruñako lehen jardunaldian laugarren postuan sailkatuta, eta bandera lortzeko lehian segundo asko galduta. Baina gaur estropada galanta jokatu dute, bigarren jardunaldia irabaziz, eta sailkapen orokorrean buru jarri dira, nahiz eta bandera Santurtzik bereganatu duen.
Oso denbora tarte estuagatik irabazi dute gaurko lehian, 20:45,44ko denborarekin. Donostiarrak traineruak oriotarren denbora bera egin du, baina 10 milaren-segundo eskas gehiago behar izan du, eta hirugarren sailkatu den Santurtzik segundo bat gehiago egin du. Orio ohorezko txandan lehiatu da, bandera lortzeko bi faboritoekin; hau da, Hondarribiarekin eta Santurtzirekin. Oriotarrek, ordea, hasieratik bukaeraraino agindu dute uretan, estropada bikaina osatuz.
Banderarik lortu ez arren, jardunaldiko garaile izan dira, eta 12 puntuak bereganatu dituzte, sailkapen orokorrean lider jartzeko baliagarriak izan zaizkienak; une honetan Santurtzirekin berdinduta dago 21na punturekin, baina jardunaldi bat irabazi duenez Oriori dagokio lidergoa.
Jon Salsamendi entrenatzaileak aipatu du zirkunstantzia asko izan direla gaurko estropadan, eta oso gustura daudela lortutako garaipenarekin: "Espero ez genuen lidertzarekin goaz etxera".
Jon Salsamendi “Oso gustora goaz etxera” #mirotzak #aupaorio pic.twitter.com/raxaKg90M7
— Orio AE (@CRO_OrioAE) July 5, 2020
