Orioko Udalak erabaki du hilabete batez luzatzea ekainaren hasieran martxan jarritako erosketa bonuen kanpaina, herritarren gastua ahalik eta dendari gehienen artean banatzeko asmoz. Hala, bonuak erosita dauzkatenek eta orain erosten dituztenek uztailaren 31 arte erabiltzeko aukera izango dute, jarraian zehazten diren establezimenduetan. Establezimendu bakoitzak 60 euroko 20 bonu jaso ahal izango ditu.
Kanpainaren luzapenean ez dute parte hartuko hasieran izena eman zuten establezimendu guztiek, horietako batzuk dagoeneko iritsi direlako muga horretara. Hurrengo establezimenduek parte hartuko dute.
- Soia. Aita Lertxundi 22
- Rosana Arruti argazki-estudioa. Aita Lertxundi 26
- Egiguren argazki-estudioa.
- Begi Bistan aisialdi-zerbitzuak. Arraunetxe
- Eider Osinalde gizonezko ile-apaindegia. Aita Lertxundi 26
- Zass edertasun-aretoa. San Nikolas 2
- Shock ile-apaindegia. Aita Lertxundi 21
- Ana Belen ile-apaindegia. Ibai Ondo, 10
- Nekane & Elena estilistak. Abeslari 6
- Iñigo Lasa osteopatia-zentroa. Estropalari 4
- Egarmendia aholkularitza. Ibai-Ondo 1
- Shiatsu fisioterapia. San Nikolas 7
- Marijo ile-apaindegia. Eusko Gudari 8
- Sinergia fisioterapia. Ibai Ondo 2